ഒരു സ്ത്രീ ചവിട്ടാവുന്ന കനലുകൾ എല്ലാം ചവിട്ടി കയറി പൊരുതി നേടിയവൾ, മഞ്ജുവിനെ കുറിച്ചുള്ള ഈ കുറിപ്പ് ശ്രെദ്ധ നേടുന്നു.!!

തുടക്കം മുതൽ തന്നെ നടിയെ ആക്രമിച്ച കേസിൽ ദിലീപിനും കാവ്യാമാധവനും എതിരെ സംസാരിച്ച ഒരു വ്യക്തിയാണ് സിൻസി അനിൽ

പലവട്ടം ദിലീപിനെ അനുകൂലിച്ചുകൊണ്ട് പലരും പോസ്റ്റുകളിട്ടപ്പോഴും അതിനെല്ലാം എതിരെ ശക്തമായി നല്ല അഭിപ്രായം അറിയിച്ച വ്യക്തി കൂടിയായിരുന്നു സിൻസി അനിൽ. ആദ്യം മുതൽ തന്നെ താൻ അതിജീവിതയായ പെൺകുട്ടിക്കൊപ്പം ആണെന്ന് തുറന്നു പറയുകയും ചെയ്തിരുന്നു. സാമൂഹ്യമാധ്യമങ്ങളിലൂടെ തന്റെ അഭിപ്രായങ്ങളെ ശക്തമായ രീതിയിൽ മുൻപോട്ടു കൊണ്ടുവരുവാൻ സാധിക്കുന്നൊരു വ്യക്തിയായിരുന്നു സിൻസി.

താരത്തിന്റെ കുറിപ്പുകളും വാക്കുകളും ഒക്കെ വളരെ പെട്ടെന്ന് തന്നെ ശ്രദ്ധ നേടുകയും ചെയ്തിരുന്നു. ജീവിതത്തിൽ വലിയ ചില പ്രശ്നങ്ങളെ അതിജീവിച്ച് വന്ന ഒരു പെൺകുട്ടി കൂടിയാണ് സിൻസി. അതുകൊണ്ടുതന്നെ അവരുടെ വാക്കുകൾക്ക് വലിയ സ്വീകാര്യത ആയിരുന്നു. ഇപ്പോഴിതാ മഞ്ജു വാര്യരെ കുറിച്ച് അവർ പറയുന്ന വാക്കുകളാണ് നേടിക്കൊണ്ടിരിക്കുന്നത്. മഞ്ജുവാര്യരുടെ കഴിഞ്ഞ കാലഘട്ടങ്ങളിൽ അനുഭവിച്ച വേദനകൾ കുറിച്ചാണ് സിൻസി തുറന്ന് പറയുന്നത്. അതോടൊപ്പം മഞ്ജു നേടിയിരിക്കുന്ന അവരുടെ ആത്മവിശ്വാസത്തെ കുറിച്ചും. ഈ കുറിപ്പിന്റെ പൂർണരൂപം ഇങ്ങനെയാണ്…

സ്നേഹത്തിന്റെ പേരിൽ കൈ പിടിച്ചവനെ വിശ്വസിച്ച് കലാജീവിതവും ഉപേക്ഷിച്ചു അവന്റെ ഭാര്യ ആയി ജീവിക്കാൻ തീരുമാനിച്ചു ഇറങ്ങിയൊരു പെണ്ണ്….ഭർത്താവിന്റെ കുടുംബത്തിന് വേണ്ടി കൈയടികളുടെയും അവാർഡുകളുടെയും ലോകത്തു നിന്നും അടുക്കളയിലേക്ക് അരങ്ങേറിയവൾ…സ്നേഹിച്ചവനിൽ നിന്നും ലഭിച്ച കണ്മണിയെ പൊന്നു പോലെ വളർത്തി വലുതാക്കിയവൾ…തനിക്ക് നഷ്ടമായത് തന്റെ മകളിലൂടെ നേടണമെന്നു സ്വപ്‍നം കണ്ടവൾ…

അതിനായി ഊണിലും ഉറക്കത്തിലും മകൾക്കു താങ്ങായി നടന്നവൾ…വലിയൊരു ചതി നടക്കുന്നു എന്ന് ലോകം മുഴുവനും അറിഞ്ഞിട്ടും ഭർത്താവിനെ അവിശ്വസിക്കാതിരുന്നവൾ…ഭർത്താവിന്റെ ഫോണിലേക്ക് കാമുകിയുടെ സന്ദേശങ്ങൾ വരുന്നത് കണ്ടു ചേമ്പില താളിലെ വെള്ളം ഊർന്നു പോകുന്നത് പോലെ അത്രയും കാലം തന്റെ സമ്പാദ്യം എന്ന് കരുതിയ ജീവിതം കൈയിൽ നിന്നും ഒഴുകി പോകുന്നത് മരവിപ്പോടെ കണ്ടു നിന്നവൾ….എന്റെ ജീവിതം.. എന്റെ ഭർത്താവ്… എന്റെ കുടുംബം…

എനിക്ക് തിരികെ വേണമെന്ന് കരഞ്ഞു യാചിച്ചവൾ…അവസാനം,തനിക്ക് നേരെ വച്ചു നീട്ടുന്ന ജീവിതം മറ്റൊരുത്തിയുടെ ഔദാര്യമാണെന്ന് തിരിച്ചറിഞ്ഞു താലി ഊരി വച്ചു ആത്മാഭിമാനത്തോടെ തല ഉയർത്തി ഇറങ്ങി പോന്നവൾ…വട്ട പൂജ്യത്തിൽ നിന്നും ജീവിതം തിരികെ പിടിക്കാൻ ഇറങ്ങുമ്പോൾ സമ്പന്നതയിൽ നിന്നും ഒന്നുമില്ലായ്‌മയിലേക്ക് തന്റെ മകളെ കൂടി വലിച്ചിടരുതെന്നു ആഗ്രഹിച്ചവൾ….

വേർപിരിയലിനു കാരണം തിരക്കിയവരെ മൗനം കൊണ്ട് നേരിട്ടവൾ…തന്റെ മകളുടെ അച്ഛൻ ഒരിടത്തും അപമാനിക്കപെടരുത് എന്ന് ആത്മാർഥമായി ആഗ്രഹിച്ചവൾ….ഒരിടത്തു പോലും അയാളെ കുറിച്ചൊരു മോശം വാക്ക് നാവിൽ നിന്നും അറിയാതെ പോലും വീഴാതിരിക്കാൻ ശ്രദ്ധിച്ചവൾ…തന്റെ കഴിവുകളിൽ ഉള്ള ആത്മവിശ്വാസം കൊണ്ട് മാത്രം ജീവിതത്തോട് പൊരുതിയവൾ…
ഒരു സ്ത്രീ ചവിട്ടാവുന്ന കനലുകൾ എല്ലാം ചവിട്ടി കയറി പൊരുതി നേടിയവൾ…സഹപ്രവർത്തകയ്ക്ക് ഉണ്ടായ ആക്രമണത്തിൽ കോടതി മുറിയിൽ കഴിഞ്ഞു പോയ തന്റെ ദാമ്പത്യ ജീവിതത്തെ അപകീർത്തിപ്പെടുത്താൻ ആവുന്നത്ര ശ്രമിച്ച വക്കീലന്മാരുടെ മുന്നിൽ സമനില നഷ്ടപ്പെടാതെ പിടിച്ചു നിന്നവൾ…

ആരോപണങ്ങൾ അമ്പുകളായി കോടതി മുറിയിൽ നെഞ്ചും കൂടിനെ തകർത്തിട്ടും സഹപ്രവർത്തകയ്ക്ക് വേണ്ടി തനിക്കറിയാവുന്ന സത്യങ്ങൾ തുറന്നു പറഞ്ഞു അഭിമാനം ആയവൾ…5 വർഷക്കാലം ഒരു call കൊണ്ട് പോലും മകളുടെ സാമീപ്യം നിഷേധിക്കപ്പെട്ട തന്റെ മുന്നിൽ കോടതിയിലെ വിചാരണയുടെ തലേദിവസം മാത്രം അച്ഛനെതിരെ മൊഴി കൊടുക്കരുതെന്ന ആവശ്യവുമായി വന്ന മകളുടെ മുന്നിൽ പതറാതെ നിന്നവൾ….ഇന്നത്തെ സ്ത്രീകൾക്ക് പ്രചോദനവും രോമാഞ്ചവും ആയി ഉയർന്നു പറക്കുന്നവൾ…ആ അവളെയാണ് മദ്യപാനിയും അവിഹിത ബന്ധക്കാരിയും മകളെ നോക്കാതെ സ്വന്തം ഇഷ്ടപ്രകാരം നടക്കുന്ന സ്ത്രീയുമായി ഈ കാലമത്രയും അപമാനിക്കാൻ ശ്രമിച്ചത്…

അവൾക്കു കാലം കാത്ത് വച്ച നീതിയാണ്… ഇപ്പോൾ പുറത്തേക്ക് വരുന്ന ജീർണിച്ച കഥകൾ…നുണകളുടെ എത്ര വലിയ ചില്ല് കൊട്ടാരം പണിതാലും അത് ഒരുനാൾ തകർന്നു വീഴുക തന്നെ ചെയ്യും..കണക്ക് ചോദിക്കാതെ ഒരു കാലവും കടന്നു പോയിട്ടില്ല എന്നത് പ്രപഞ്ചസത്യം, ഇനിയും ഉയർന്നു പറക്കുക പ്രിയപെട്ടവളെ…കാലം നിന്നെ ഇവിടെ അടയാളപ്പെടുത്ത ട്ടെ…

Leave a Comment

Your email address will not be published.

Scroll to Top