മലയാളസിനിമയിൽ ഇത്രയധികം ആരാധകർ ഉള്ള ഒരു സിനിമ വേറെ ഉണ്ടോ എന്നതിൽ സംശയം ആണ് ,ഇപ്പോളിതാ ആ സിനിമയുടെ അഞ്ചാം ഭാഗം റീലിസിനെ ഒരുങ്ങുകയാണ് ,കൂടാതെ തന്നെ സി.ബി.ഐ സീരിസിനെ ഇത്രയോളം വലിയ ആരാധകരെ ഉണ്ടാക്കിയ ടീം കൂടിയാണ് കെ.മധുവും,എസ്.എന്‍ സ്വാമിയും. മമ്മൂട്ടി സേതുരാമയ്യര്‍ സി.ബി.ഐ ആയി എത്തിയ ചിത്രങ്ങള്‍ എല്ലാം മെഗാഹിറ്റുകൾ ആയിരുന്നു .
സി.ബി.ഐ പരമ്പരകളിലെ നാല് ഭാഗങ്ങള്‍ ആണ് ഇതുവരെ ഇറങ്ങിയത്. ഇന്നിപ്പോൾ അഞ്ചാം ഭാഗം റിലീസിന് തയാറായിരിക്കുകയാണ്. സി.ബി.ഐ 5 ദ ബ്രെയ്ന്‍ എന്ന് പേരിട്ടിരിക്കുന്ന ഈ പരമ്പരയുടെ ആദ്യ ടീസര്‍ ഇന്ന് അഞ്ച് മണിക്ക് റിലീസ് ചെയ്യും.ഒരു നീണ്ട ഇടവേളക്ക് ശേഷം സി.ബി.ഐ അഞ്ചാം ഭാഗത്തില്‍ ജഗതി ശ്രീകുമാറും അഭിനയിക്കുന്നു എന്നതാണ് ഏറ്റവും വലിയ സന്തോഷം നല്കുന്നത്.ജഗതി ശ്രീകുമാര്‍ ഇതുവരെയുള്ള എല്ലാ ഭാഗങ്ങളും അഭിനയിച്ചിട്ടുണ്ട്. സേതുരാമയ്യരുടെ അസിസ്റ്റന്റ് ആയ വിക്രം എന്ന കഥാപാത്രത്തെ ജഗതി ചിത്രങ്ങളില്‍ അവതരിപ്പിച്ചത്.
അഭിനയ രംഗത്ത് നിന്നു 2012 ല്‍ നടന്ന ഒരു വാഹനാപകടത്തില്‍ ഗുരുതരമായ പരിക്കേറ്റതിനെ തുടര്‍ന്ന് വിട്ടുനിന്ന ജഗതി ശ്രീകുമാര്‍ ഒരു പരസ്യചിത്രത്തിലും സിനിമയിലും കഴിഞ്ഞവര്‍ഷം അഭിനയിച്ചു. സി.ബി.ഐ 5ല്‍ ജഗതി അഭിനയിക്കുന്ന രംഗങ്ങള്‍ ജഗതി ശ്രീകുമാറിന്റെ ആരോഗ്യസ്ഥിതി കണക്കിലെടുത്ത് തിരുവനന്തപുരത്ത് പേയാടുള്ള അദ്ദേഹത്തിന്റെ വസതിയില്‍ത്തന്നെ ചിത്രീകരിച്ചിരുന്നു .സിനിമയിലെ ചില ഫോട്ടോകൾ ഇതിനോടകം തന്നെ വൈറൽ ആയി മാറിയിട്ടുണ്ട് .16 വര്‍ഷങ്ങള്‍ക്ക് ശേഷം ആണ് സി.ബി.ഐയുടെ അഞ്ചാം ഭാഗം എത്തുന്നത്.ചിത്രത്തിന്‍റെ പൂജയും സ്വിച്ചോണ്‍ കര്‍മ്മവും കഴിഞ്ഞ വര്ഷം നവംബര്‍ 29ന് നടന്നു.
സി.ബി.ഐയിൽ പുതിയ ഒരു താരനിരയും കൂടി വരുമ്പോൾ ചിത്രത്തിനെ പ്രതീക്ഷകൾ വാനോളം ആണ്, രമേശ് പിഷാരടി,ദിലീഷ് പോത്തന്‍, ലി.ജോ ജോസ് പെല്ലിശ്ശേരി, സൗബിന്‍ ഷാഹിര്‍, ആശാ ശരത്, സായ്കുമാര്‍, രണ്‍ജി പണിക്കര്‍ എന്നിവരാണ് ഈ ഭാഗത്തിലെ താരങ്ങള്‍. എസ്.എന്‍. സ്വാമിയുടെ തിരക്കഥയില്‍ കെ. മധു സംവിധാനം ചെയ്ത് പുറത്തിറക്കിയ സിബിഐ ചലച്ചിത്ര പരമ്പരയിലെ ഏറ്റവും പ്രധാന കഥാപാത്രമാണ് സേതുരാമയ്യര്‍. മമ്മൂട്ടി ആണ് സേതുരാമയ്യരായി വേഷമിട്ടത്. ഒരു സി.ബി.ഐ. ഡയറിക്കുറിപ്പ് (1988), ജാഗ്രത (1989), സേതുരാമയ്യര്‍ സിബിഐ (2004), നേരറിയാന്‍ സി.ബി.ഐ. (2005) എന്നീ ചലച്ചിത്രങ്ങളിലാണ് സേതുരാമയ്യര്‍ പ്രത്യക്ഷപ്പെടുന്നത്. പ്രത്യേകമായ രൂപഭാവവും വസ്ത്രധാരണാരീതിയും കുറ്റാന്വേഷണത്തിലെ വേറിട്ട വഴികളും സേതുരാമയ്യരെ വ്യത്യസ്തനാക്കിയത് .
